فەرماندەیی ناوەندیی ویلایەتە یەکگرتووەکانی ئەمریکا (سێنتکۆم) ڕۆژی چوارشەممە ١6ی تەمموز ڕایگەیاند: بارێکی زۆر گەورەی چەکی ئێرانی کە لە ڕێگادا بوو بۆ گرووپی حوسییەکانی یەمەن کە لەلایەن ئێرانەوە پاڵپشتی دەکرێت، دەستی بەسەرداگیراوە.

بەگوێرەی ڕاگەیەندراوێکی کۆمپانیای CENTCOM، بارکردنەکە زیاتر لە 750 تۆن تەقەمەنی و کەرەستەی سەربازی و سەدان مووشەکی پێشکەوتووی کروز و مووشەکی دژە کەشتی و دژە فڕۆکە، سەری جەنگی و سیستەمی دۆزینەوەی ئامانج و سەدان بزوێنەری فڕۆکەی بێفڕۆکەوانی لەخۆگرتبوو.

سێنتکۆم جەختی لەوە کردەوە کە لە نێو کەلوپەلەکانی دەستبەسەرداگیراودا، دەستنووس و کەلوپەلی فێرکاری بە زمانی فارسی کە لە لایەن کۆمپانیایەکی سەر بە وەزارەتی بەرگریی کۆماری ئیسلامیی ئێرانەوە بەرهەم هێنراون، دۆزراونەتەوە.

شایانی باسە ئەو کۆمپانیایە لە لیستی سزاکانی ئەمریکادایە. دەستبەسەرداگرتنی ئەو وڵاتە لە کاتێکدایە کە ئەمریکا چەندین جار کۆماری ئیسلامیی بە پێشێلکردنی گەمارۆی چەک لە نەتەوە یەکگرتووەکان و دابینکردنی چەک بە حوسییەکان تۆمەتبار کردووە.

 

 

 

گوڵان: سەردار خەلیل