ڕێکخراوی لێبوردنی نێودەوڵەتی ڕایگەیاند: کە هەزاران خۆپیشاندەر و هاووڵاتی کە دوای ناڕەزایەتییە سەرتاسەرییەکان کە لە ٢٨ی کانوونی دووەمی ٢٠٢٥ەوە دەستیپێکردووە، دەستبەسەرکراون، مەترسییەکی جددییان لەسەرە بۆ ئەشکەنجەدان، بێسەروشوێنکردنی زۆرەملێ، دادگاییکردنی نادادپەروەرانە و سزای توند، لەوانەش سزای لەسێدارەدان.

بەگوێرەی ئەو ڕێکخراوە، شێوازی مامەڵەکردنی ئێستا لەگەڵ دەستگیرکراوان درێژەپێدەری هەمان ڕەوتی سەرکوت و ئێعدامی بەربڵاوە لە دوای ڕاپەڕینی "ژن، ژیان، ئازادی" لە ساڵی 2022، ئێستاش بە قەبارەیەکی گەورەتر دووبارە دەبێتەوە. ڕێکخراوی لێبوردنی نێودەوڵەتی دەڵێت: لە سەرەتای شەپۆلی نوێی ناڕەزایەتییەکانەوە، هەزاران هاووڵاتی لە سەرانسەری ئێران بە ئارەزوومەند دەستگیر کراون؛ ژمارەیەک کە بە گوتەی ئەو ڕێکخراوە بە پشتبەستن بە ڕاپۆرتەکانی میدیای سەربەخۆ و ڕێکخراوەکانی مافی مرۆڤ و داکۆکیکارانی مافی مرۆڤ، لە ڕاستیدا دەیان هەزار کەس لەخۆدەگرێت. ڕێکخراوەکە هۆشداری دەدات لەوەی فەرمانی ئەم دواییەی سەرۆکی دەسەڵاتی دادوەری بۆ مامەڵەکردن لەگەڵ خۆپیشاندەران بەبێ ڕەحم و لێدوانی بەرپرسانی دادوەری کە ناڕەزایەتییەکانی بەرزکردۆتەوە بۆ ئاستی تاوانی سزای لەسێدارەدان، مەترسی دەرکردن و جێبەجێکردنی سزای لەسێدارەدانی زۆر زیادکردووە.

 

 

 

گوڵان: سەردار خەلیل