(*)

نامەوێ كورد بكەمە فریشتەو بلێم ئێمە بێ كێشەو بێ خراپەین، بەڵام هەر چونیەك بێت ئێمە میلەتێكی خەلك دۆستین و رق لەقین و ناخ رەش نین، هەروەها لێبوردەین، ئەگەر هەموومان وا نین، دەتوانم بلێم زۆربەمان.

لێرەدا دەمەوێت باسی ئەوە بكەم كەوا كورد لەهەموو مێژوی سیاسی و سەربازی خۆیدا ناخ رەش نەبوە و زۆر لێبوردە بوە، لەسەردەمی شۆرشی شێخ عوبەیدوللە-ی نەهری سالی ١٨٨٠ تاوەكو شەڕی داعش سالی ٢٠١٤ و شەری حەشدی شەعبی شیعی تایفەگەری نۆكەرانی ئێران سالی ٢٠١٧، لە هەموو ئەم شەرو بە درێژایی مێژووی دورو درێژەدا، نەمبیست و نەمدیت دیلێكی دوژمن بكوژرێت و ماڵێك خراپ بكرێت، یان رەفتارێکی ناشرین بكرێت، واتە بە عەرەبی پێی دەڵێن ئێمە (ناكر الجمیل) نین.
لێرەدا مەبەستمە باسی بێ ئەمەكی و بێ باكی و بێ سیفەتی پێكهاتەی شیعەی عێراق بكەم كەوا بەدرێژای ٢٢ سالی رابردوو بە هەموو پارتەكانیان و سەركردەكانیانەوە، واتە لە ٢٠٠٣ یەوە تاوەكو ئەمرۆ هیچ مروڤ و چین و پێكهاتەیەكم نەدیت لەمانە بێ وەفاتر، بێ سیفەتتر و بێ ئەمەك تر، بەراستی هیچ شتێكیان لەبەر چاو نیە هیچ سیفاتێكی سەركردەییان تێدا نیە، نە رێككەوتن دەزانن و نە جێ بەجێی دەكەن نە باوەریان بە پێكەوە ژیان هەیە.
هیچ شتێك لای ئەو سەركردە بێ كەلكانەی ئێستای شیعەی عێراق بەهای نیە، لای ئەوان تەنها دوو شت بەهای هەیە، یەكەم پارەو پلە دووەم تایفەگەرایەتی. عێراق لەسایەی سەری ئەمانە وێران بوە، سەیری گەلەکەیان بکەن، واتە شیعە مەزهەبیان، وا لەبرسان دەمرن، و لەبێ خزمەت، ئاو و كارەباییدا دەناڵێنن. سوننەش نیوەی لە بەندینخانەكانن، كوردیش ١١ سالە شەری قوتی فەرمانبەران و هاوڵاتیانن، ئەگەر پێیان بكرێت ئاویشمان لێ دەبرن، هندە رق لەدڵن بۆ كورد.
جا من بێمە سەر بابەتە سەرەكیەكە كە دەلێم دوا پەناگەتان هێندە ئازار مەدەن، مەبەستمە پەیامەكە بەوان بگەێنم، هەرچەندە پێش خۆیان بینیوە و باش دەزانن، بەلام جارێ دڵ و گیرفانیان گەرمە و هیچ پێچكەیەكی كورسیەكانیان نەشكاون، ئەگەر نا باش دەزانن ئەم خاك و كوردستانە جوانە پەناگەی هەموو لێقەوماوانە، جێگای هەموو كەسێكە كە هیچ پەناگەی بو نامێنێ، هانا بو ئەم خاكە ستەم لێكڕاو ئەم میللەتە هەژار و بەدبەختە دەهێنن، بینیشمان پێش ئەوان هەرچی عەرەبی سوننەیە هانایان بۆ كوردستان هێنا، ئێمەش وەك ئەوەی هیچ نەبوبێ باوەشمان بو كردنەوە تەنانەت مال و مزگەوت و قوتابخانەكانمان بۆ چۆل كردن، (إذهبوا الي الحبشة فإن بها ملك لا يظلم)
برۆنە كوردستان پاشایەك لەوێیە زولم ناكا، بەلێ زوڵم ناكا مروڤ دۆستە، دڵفراوانە، ژیان دۆستە، ئارەزوی ژیان و پێكەوە ژیان و ئارامی و خوشگوزەرانی بۆ هەموان دەكات.
بۆیە بەم بەناو سەركردە فاشیلە، دزو گەندەڵانە دەلێین، ووریابن هەموو خالەكان نەبەزێنن و هەندێكی تێدا بهێلنەوە بۆ ئەوەی ئەگەر سیاسی و سەركردەكانیشمان قبولتان بكەن با میللەتەكەمان بەرد بارانتان نەكەن. ئێوە هیچ نەما نەیكەن ئەوەی كەوا سەددامی دیكتاتوری گۆر بەگۆڕ بیری لێ نەكردبووە، كە برینی قوتی خەڵكی هەژارە ئێوە ئەوەشتان كرد، ئێوە هەرچی هێلی سورە بەرامبەر بە میللەتی كوردە بەزانتان، ئێمە بەمە ناكەوین، ئێمە كوردین نابەزین و ناكەوین، ئێمە هەموو شتمان دیت لەبیریش ناكەین، بەلام پشت گوێشی ناخەین بەلام دیسا تۆلەكردنەوە لە رەوشتی كوردا نیە.
ئێوە دەزانن ئێمەش دەزانین منیش دەزانم زۆرتان نەماوە چونكە وەكو پەندێكی عەرەبی خوتان هەیە دەڵێت(إنما للصبر حدود)، بە كوردەواری خۆشمان دەڵێین، هەموو زاڵمێك زەوالی خۆی هەیە.
وەرن پێم بلێن، ئەگەر خوا تەمەن باقی بكا، سبەی كەوا (زور دڵنیام زورتان نەماوە) بۆ كوێ رادەكەن؟ بۆ كوێ دەچن و كێ وەرتان دەگرێ؟ بۆ نموونە، سوریای درواسێتان؟ باوربكەن هەمووتان وەك هۆلاكۆستی(Holocaust) جولەكەكانتان لێ دەكەن، یان بچنە ئێران ئەوكات كاری بە ئێوە نامێنێ و وەرتان ناگرێ، ئێوەش دەزانن ئێران چۆن (هەنییە، حسن نەسروللە، سینوار و قاسم سلێمانیان) فرۆشت، ئاوا ئێوەش دەتان فروشێ، سیاسەتی ئێران وایە کە هەموو شتێك دەكات لەپێناو مانەوە لەدەسەڵات، ئامادەیە عەمامە رەش و سپیەكەش فرێ بدات، وەك احمد الشرع بۆیانباخی ئیتالی لەبەر بكات وەك میكیاڤیلی دەڵێت(الغاية تبرر الوسيلة).
یان بەتەمان بچنە ئوردن، سعودیە و كوێت؟ ئەمانە خوێنتان دەمژن، كەواتە تاكە پارچەی زەوی كە وەرتان دەگرێت ئەم كوردستان و خاكە جوانەکەی منە.
كوردەواری خۆمان گوتەنی ئەوەی لەشەڕ نەبێ شمشێری تیژە، ئەوانە هێندە مەغرور بوینە، هێندە پری پارە و پلە بونە، هیچ حیسابێكیان بۆ رۆژە رەشەكەی خۆیان نەكردوە، دواتر دەمەوێت شتێكی تریان وەبیر بهێنمەوە، هەر چەندە دەزانن بەڵام وەكو ئاماژەم پێدا لە ئێستادا لەبەر پارە، بازرگانی، دزی، گەندەڵی، بەندایەتی و بن دەستی ئێران جارێ هیچ شتێكیان وەبیر نیە، ئەگەر نا ئەم گەلەی عێراق گەلێك و گەنجانی زۆر بە غیرەتن، توند و چاو نەترسن، هەموو نەهامەتی و نەخۆشیان بینیوە، ناترسن، بۆ نموونە شۆرشی تشرینیەكان كەوا بە زەبری هێزو دەست وەردانی ئیقلیمی زل هێز هێور كرایەوە، بەلام رەگ و ریشەی هەر ماوە، لەلایەكی تریشەوە ئەم گەلەی عێراق گەلێكی دلرەقەو بێ وەفایە، ئەوان بۆ مەلیك فەیسەل و عبدالكڕیم قاسم نەبونە مال، لەسەر شەقامەكان رایان دەكێشا، كە بەڕای خۆم خوشترین و پاكترین سەردەم سەردەمی مەلیك فەیسەلی یەكەم بوە، ئینجا ئێوە دەتانەوێت بەم هەموو گەندەلی، پوخلەوات، پیسی، دزی، كوشتن، برین و تایفەگەرایەتیەوە ئەم گەلە دڵرەق و توندە رەحمتان پێ بكا؟
ئەم قسەیە دەكەم دەشزانم لەسەرم گرانیش رادەوستێت بەڵام روژێك دێت ئەم عەمام بەسەرانە ئەگەر لەپێش چاوی هەموو مووچە خورێكی هەژاری بێ تاوان و بەبەرچاوی هەموو جیهانەوە بە نێو شەقامە بێ نازو بێ خزمەتگوزاڕی و بێ كارەبەوە رانەكێشران، ئەو كات من نە چاودێری سیاسیم نە شیكەرەوەی سیاسی، ئەمە زانیاریی نیە، بەڵکو ئەمە شیكردنەوەو پێشبینی و ووردبینی لێكەوت و دەرهاوێشتەی ئەم چینە گەندەل و پوخلەواتە سیاسیە شیعەكانی دەسەڵاتدارن لە عێراق.
ئەوەی جەنابی سەرۆك و مەرجعی كوردان سەرۆك بارزانی بو هەندێك لەم بەناو سەركردە شیعانەی ئێستا لە دەسەلاتن كردوون، باوك بو كۆر ناكات، كەچی فەرموون یەك چاكە و وەفایان پێم بلێن بەرامبەر جەنابی سەرۆك، چونكە جەنابیان هەرچی كردبێت هیچ شتێكی بۆ شەخسی و بەرژەوەندی خۆی نەبوەو نابێ ئەبەد، هەمووی لەپێناو خزمەتی گەل و نیشتیمان و قەزیەی كوردی بووە.
سەرکردە شيعەکانی عێراق لە تەزبیح فڕوشەوە بۆ سەرۆك وەزیران، لە وەرگێرەوە بۆ سەرۆك وەزیران، لە فەرمانبەرێكی سادەوە بۆ سەرۆك وەزیران، كەچی هیچ چاكەو وەفایان بۆ ئێمە نەبوە، بگرە بە پێچەوانەوە دەستیان بو كارێك برد نە سەددام، نە هێتلەر، نە ماسوڵونی، نە لینین و نە ستاڵین هیچ دیكتاتورێك ئەمەی تەنانەت بەرامبەر بە دوژمنی خۆشیان نەكرد، كەچی ئەم موفلیسانەی دوێنێ و ملیاردێرەكانی ئەمرۆی شیعە بەرامبەر بە گەلی خۆیان كرد، كە مووچەی خەڵكی خویان بری،
لەو كەسانە بترسن كە بێ ئەسلن پلەو پۆست وەردەگرن و دەولەمەند دەبن، ئەمانەش هەر بە جددی بێ ئەسلن.

 

(*)
چالاكوان