دەیەمین فیستیڤاڵی ساڵانەی كۆلێژی هونەرە جوانەكانی زانكۆی سەلاحەدین دەستی پێكرد

فیستیڤاڵەكە لەژێر چاودێری (پ,ی,د,كامەران یونس مەمەد ئەمین) سەرۆكی زانكۆی سەلاحەدین و بە هاوكاری بەڕێوەبەرایەتی گشتی ڕۆشنبیری وهونەری هەولێر سازكرا,یەكەم ڕۆژی فێستیڤاڵ بە كردنەوەی پێشانگەیەكی شێوەكاری هاوبەش بۆ قوتابیانی ئەم كۆلێژە لە گەلەری میدیا دەستی پێكرد كە ژمارەیەكی بەرچاو لە مامۆستایان و هونەرمەندان و هونەردۆستان ئامادەی بوون,هەروەها بڕیارە ئەم پێشانگەیە بۆ ماوەی 3 ڕۆژ كراوە بێت.

هاوكات هەر لە یەكەمین ڕۆژی فیستیڤاڵدا لە هۆڵی میدیا,بەشی موزیكی كۆلێژی هونەرە جوانەكانی زانكۆی سەلاحەدین بە چالاكییەكی هونەری بەشداربوون كە تێیدا ژمارەیەك قوتابیانی ئەو بەشە چەند پارچە موزیكێكیان پێشكەش بە ئامادەبوونی فێستیڤاڵەكە كرد.

هەروەها بڕیارە كاتژمێر 5ی ئێوارە ڕێكەوتی 7/5/2025 لە ئیمپایەر سینەما لە شاری هەولێر,قوتابیانی بەشی سینەما و شانۆی كۆلێژی هونەرە جوانەكانی زانكۆی سەلاحەدین چەند كورتە فیلمێك نمایش بكەن.

گوڵان-ئاسۆ كاكەیی