خەنە وەك یەكێك لە باشترین پێكهاتە سرووشتییەكان تەندروستی و سەرنجڕاكێشی دەبەخشێتە قژ، لێرەوە ئاشنای سوودە سەرسوڕهێنەرەكانی خەنە ببە.

١- بەهێزكردنی قژ و ڕێگریكردن لە هەڵوەرین: خەنە بە یەكێك لە باشترین چارەسەرە سرووشتییەكان دادەنرێت كە یارمەتیی بەهێزكردنی بێخی تاڵەكانی قژ دەدات، كار لەسەر خۆراكپێدانی پێستی سەر و چالاككردنی سووڕی خوێن دەكات، ئەمەش كێشەی هەڵوەرینی قژ كەم دەكاتەوە و گەشەی بەهێز دەكات.

٢- نەرمكردنی قژ و باشتركردنی شێوەی: خەنە یارمەتی نەرمكردنی قژ و زیادكردنی كشان و جوانییەكەی دەدات، ئەمەش وا دەكات ئاسانتر دابهێنرێت، هەروەها بەشدارە لە كەمكردنەوەی ئاڵسكان و وشكی، كە دیمەنێكی تەندروستتر و خاوتر بە قژ دەبەخشێت.

٣- پێدانی ڕەنگێكی سرووشتی و سەرنجڕاكێش بە قژ: خەنە بە شێوەیەكی سەرەكی وەك بۆیەیەكی سرووشتی بەكاردێت، كە ڕەنگێك بە قژ دەبەخشێت لە نێوان سووری تۆخ و مسی، دەكرێت لەگەڵ پێكهاتەی دیكە تێكەڵ بكرێت، وەك زەردەچەوە یان قاوە، بۆ دەستكەوتنی پلەی ڕەنگی جیاواز كە لەگەڵ هەموو حەزو ئارەزویەکدا بگونجێت.