محەمەد ئیسماعیل:لە جیهانی گۆی زەویدا بەهێزەکان بە درێژایی مێژوو ستەمیان لە لاوازەکان کردووە

ئەم تابلۆ سوریالیستییە لە تەمەنی 20 ساڵیدا کێشاومە، ساڵی 1992. ئەوکاتە کاریگەری ستایلی سلڤادۆر دالی بەسەرمدا هەبوو، بە ڕەنگی ڕۆنی لەسەر تەختە کێشاومە، بە قەبارەی 60×80سم.

دیمەنێك نیشان دەدات کە بوونەوەرە پێست سەوزەکان لە هەسارەیەکی ترەوە هەوڵ دەدەن لە ئازار و ململانێکانی مرۆڤایەتی تێبگەن, لە کاتێکدا بینا بەرد و دەروازە، گەڕەك و ئاوهەوای جیهانی ئەوان لە جیهانی ئێمە جیاوازترە، تەماشای تراژیدیای پۆستەری (عومەری خاوەر) دەکەن، ئەم بوونەوەرانە نوێنەرایەتی خواستی هێنانەدی ئاشتی و دادپەروەری بۆ مرۆڤایەتی دەکەن, لە کاتێکدا ڕووداوە بە ئازارەکانی وەك کۆمەڵکوژی هەڵەبجە ئەو کارەساتانەمان بیردەخەنەوە کە مرۆڤایەتی لە ڕابردوودا تووشی بووە, بوونی ئەو بوونەوەرانە بانگەوازێکە بۆ هیوا و یارمەتی.

لە جیهانی گۆی زەویدا بەهێزەکان بە درێژایی مێژوو ستەمیان لە لاوازەکان کردووە و بە دەگمەن ئاشتی هاتۆتە ئاراوە، ئەم تابلۆیە هێمای خواستی مرۆڤایەتییە بۆ گەیشتن بە داهاتوویەکی باشتر و هەوڵی بوونەوەرەکانی جیهانە جیاوازەکان بۆ ئەوەی دەستی هاوکاری بە مرۆڤایەتی بدەن, ئەم کارە هانی بینەر دەدات بە قووڵی بیربکاتەوە, هۆشیاری بۆ مرۆڤایەتی بەرز بکاتەوە و هانی کردەوەی بەکۆمەڵ بدات بۆ جیهانێکی دادپەروەرتر.

گوڵان-ئاسۆ كاكەیی