نووسه‌رو رۆژنامه‌نووسی دیاری كورد "فه‌یسه‌ڵ دێهاتی" كۆچی دواییكرد, فه‌یسه‌ڵ دێهاتی كە یه‌كێكه‌ له‌نووسه‌ر ورۆژنامه‌نووسه‌ دیاره‌كانی هه‌رێمی كوردستان, جگه‌ له‌ ده‌قه‌ شیعریه‌كانی، له‌بواری رۆژنامه‌گه‌ری كوردیدا رۆڵێكی باڵای هه‌بووە, هه‌روه‌ها له‌زمانی عه‌ره‌بی و فارسیه‌وه‌ چه‌ندین پارچه‌ شیعر و په‌خشانی وه‌رگێڕاوه‌ته‌ سه‌ر زمانی كوردی.

له‌ به‌یانامه‌یه‌كی یه‌كێتیی نووسه‌رانی كورد لقی هه‌ولێردا هاتووه‌ ..به‌داخ و په‌ژاره‌یه‌كی زۆره‌وه‌ ھه‌واڵی كۆچی دوایی، ئه‌ندامی لقه‌كه‌مان نووسه‌ر و ڕۆژنامه‌نووس فه‌یسه‌ڵ دێھاتی ڕاده‌گه‌یه‌نین، كه‌ ئه‌مڕۆ 2021/10/16 به‌ھۆی نه‌خۆشییه‌وه‌ كۆچی دوایی كرد.

هه‌روه‌ها یه‌كێتیی نووسه‌رانی كورد لقی هه‌ولێر پرسه‌ و سه‌ره‌خۆشیی خۆی به‌ كه‌سوكار و بنه‌ماڵه‌ به‌ڕێزه‌كه‌ی و ھاوڕێیانی ڕاده‌گه‌یه‌نن، له‌ خوای گه‌وره‌ش داواكارن به‌ھه‌شتی به‌رین دوا مه‌نزڵگای بێت.