ڕێكخراوى منداڵپارێزیی كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، پۆلیسی هه‌ولێر خەونی مێرمنداڵێکی تووشبووی شێرپه‌نجه‌ى به‌دی هێناوه‌، كه‌ خه‌ون و ئاواتى ئه‌وه‌ بووه‌، ڕۆژێك ببێت به‌ پۆلیس.

به‌پێى ڕاگه‌یاندراوى ڕێكخراوى منداڵپارێزیی كوردستان، دوێنێ چوارشه‌ممه‌ 24/2/2021، به‌ڕێوه‌به‌رایه‌تیی پۆلیسى پارێزگاى هه‌ولێر، خه‌ونى مێرمنداڵێكى ته‌مه‌ن 13 ساڵى به‌دی هێناوه‌، كه‌ تووشبووى شێرپه‌نجه‌یه‌ و له‌ نه‌خۆشخانه‌ى (نانه‌كه‌لی)ی هه‌ولێر چاره‌سه‌ر وه‌رده‌گرێت.

ئه‌و مێرمنداڵه‌ خەون و ئاواتی ئه‌وه‌یه،‌ ڕۆژێک ببێت بە پۆلیس و خزمه‌ت به‌ هه‌ولێر بكات، بۆیه‌ له‌لایه‌ن پۆلیسی هه‌ولێر و ڕێكخراوه‌كه‌وه‌، خه‌ونه‌كه‌ی به‌دی هێنرا و بۆ ماوه‌ی سێ كاتژمێر به‌ ئۆتۆمبێلی پۆلیس و له‌گه‌ڵ كارمه‌ندان، سەردانی چه‌ند شەقامێك و بازاڕی شاری هەولێری کرد.













باسنيوز