ماوەی چەند ساڵێکە دانیشتووانی ناحیەی هێرۆی سنووری پشدەر گرفتی کەمیی ئاوی خواردنەوەیان لە وەرزی هاوین هەیە، وەزارەتی شارەوانی و گەشتوگوزاری حکوومەتی هەرێمی کوردستان بە بڕیارێک گرفتەکە چارەسەر دەکات.


موحسین حوسێن، بەڕێوەبەری ناحیەی هێرۆ، راگەیاند: "پاش نووسراو و بەدواداچوونی بەردەواممان و لە ئیدارەی ڕاپەرینەوە نووسراومان بە ژمارە ( ٥٨١) لە (٢٤/ ٨/ ٢٠٢٠) ئاراستەی وەزارەتی شارەوانی و گەشتوگوزاری حکوومەتی ھەرێمی کوردستان کردوو سەبارەت بە ڕەزامەندیان بۆ ھەڵکەندنی بیری ئـیـرتـیـوازی بۆ نـاوەندی ناحیەی ھـێـرۆ کـە زۆر پێویست بوو، لەبەر ئەوەی ھاووڵاتیانی ناوەندی ناحیەکە لە وەرزی ھاویندا تـووشی گرفتی کەم ئاوی دەبوون".

راشیگەیاند: "پاش سەردانی وەزارەتمان، بـە سوپاسەوە فـەرمانی وەزاریمان بە ژمارە ( ١٢٥٢ ) لە ( ٧ / ٢ / ٢٠٢١ ) وەرگرتەوە بە ڕازامەندی و دابینکردنی بودجە بۆ ھەڵکەندنی بیری ئـیـرتـیـوازی بۆ ناوەندی نـاحـیەی ھـێـرۆ لە سەر بـودجەی بەرێوەبەرایەتی ئاوی راپەڕین".
basnews -