بەڕێوەبەری گشتیی تەندروستیی راپەڕینیش رایگەیاند "مانگرتنی پزیشکانی نیشتەجێی خولاو کاریگەریی بۆسەر نەخۆشخانە و بەڕێوەبەرایەتییەکانی تەندروستی هەیە".

بەهۆی دابەشنەکردنی مووچەکانیان، بەشێک لە پزیشکانی نیشتەجێی خولاو مانگرتنیان لە کارەکانیان راگەیاندووە.

د. دیار ئیبراهیم بەڕێوەبەری گشتیی تەندروستیی راپەڕین، راگەیاند، بەهۆی ئەوەی ئاماری تەواویان لەبەردەستدا نییە، روون نییە چەند پزیشکی نیشتەجێی خولاو هەن و ئەوانەشی مانیان گرتووە ژمارەیان چەندە.

لە ئیدارەی راپەڕین، ژمارەی دانیشتووان نزیکەی 500 هەزار کەسە، بەگشتی شەش نەخۆشخانەی گشتی، 18 مەڵبەندی تەندروستی و 85 بنکەی تەندروستی هەن. هەروەها لە سنووری ئەو ئیدارەیە دوو هەزرا و 400 کارمەند و پزیشک هەن.
rudaw -