به‌ بۆنه‌ی جه‌ژنی "چله‌ی هاوین"ی ئاینی ئێزدییه‌وه‌، سه‌رۆك مه‌سعود بارزانی په‌یامێكی پیرۆزبایی ئاراسته‌ی كوردانی ئێزدی كرد.

له‌ په‌یامه‌كه‌دا هاتووه‌: "هیوادارم ئه‌م جه‌ژنه‌ بۆ هه‌موو ئێزدییه‌كان، به‌ تایبه‌تی ئێزدییه‌كانی كوردستان ببێته‌ ده‌رگایه‌ك بۆ ده‌ستپێكێكی نوێ و ساڕێژبوونی هه‌موو برین و ئێش و ئازاری ده‌ستی تیرۆر و خوشك و برایانی ئێزدی هه‌موو جه‌ژن و بۆنه‌ ئاینییه‌كانیان له‌ ئارامی و ئاسایشدا ببه‌نه‌ سه‌ر".

ده‌قی په‌یامه‌كه‌

پەیاما سەرۆك بارزانی بۆ جەژنا چلێ هاڤینێ یا ئێزیدیان

ب ناڤێ خودایێ مەزن و دلۆڤان

بە هەلكەفتا جەژنا چلێ هاڤینێ یا خوشك و برایێن ئێزیدی پیرۆزباییەكا گەرم ل ئەنجوومەنا رۆحانی و هەمی ئێزیدیێت كوردستانێ و جیهانێ دكەم.

هیڤیدارم ئەڤ جەژنە بۆ هەمی ئێزیدیان و ب تایبەت ئێزیدیێت كوردستانێ ببیتە دەرگەهەك بۆ دەستپێكەكا نوو و سارێژبوونا هەمی برین و ئێش و ئازارێت دەستێ تیرۆرێ و خوشك و برایێت ئێزیدی هەمی جەژن و هەلكەفتێت ئایینی د ئارامی و تەناهیێ ببەنە سەر.

جەژنا هەوە پیرۆز بیت و بمینن ب خێر و خۆشی

مسعود بارزانی

2ـی 8ـی 2020






K24