کومەلگەھا دەروازێ ئیبراھیم خەلیل رۆنکرنەکێ بەلاڤ دکەت
کامی کامل، پەیڤدارێ کۆمەلگەھا دەروازێ نیڤدەولەتی یێ ئیبراھیم خەلیل دیار کر: "ل دور رێکارێن ساخلەمیێ و پشکنینێن پەتایا کۆرۆنایێ دگەل ئەو گەشتیارێن ل دەروازێ کۆمەلگەھا نیڤ دەولەتی ئیبراھیم خەلیل ھاتن و چوونێ دکەن، ڕایا گشتی ئاگەھدار دکەین کو ئەم ل دویف رێنمایی و بریارێن حکومەتا ھەرێما کوردستانێ کار دکەین و بابەتێن کەرەنتینێ و ستافێ نوژداری ل سەر سنوری و دیارکرنا ئەو گوژمێ پارە یێ کو ل پشکنینا پەتایا کۆرۆنایێ دھێتە مەزاختن ژلایێ وەزارەتا ساخلەمیێ ڤە دھێنە دیار کرن و سەرپەرشتی کرن".
ئاماژە ب وێ چەندێ ژی دا: "ل دویف داوی بریارا وەزارەتا ساخلەمیێ یا ژمارە (١٠٩) ل رێکەفتی (٣٠\٧\٢٠٢٠) گۆژمێ ئەو پارەیێ دھێتە وەرگرتن بۆ پشکنینا کۆرۆنایێ بو ھەر گەشتیارەکێ ل (١٠٠,٠٠٠) سەد ھزار دیناران ھاتینە کێم کرن بو (٦٠,٠٠٠) شێست ھزار دیناران".
گۆتژی: "ھەروەسا ل دور ھاتنا شۆفێرێن ترومبێلێن بارھەلگرێن ولاتێ تورکیایێ ئەم چاڤەرێی بەرھەڤبونا میکانزمێن پێدڤینە ژلایێ ساخلەمیا دھوکێ ڤە بو پشکنین کرنا وان شۆفێران کو بڤان نزیکان دێ ھێنە بەرھەڤک کرن و دێ شێن پشتی جێ ب جێ کرنا رێکارێن ساخلەمیێ وەکی بەرێ ھێنە دناڤ ھەرێما کوردستانێ دا، و ل دیف ئەو بریارا وەزارەتا ساخلەمیێ کو لسەری مە ئیشارەت پێدای پشکنینا کۆرۆنایێ ژبو شۆفێرێن ترومبێلێن بارھەلگر دێ (٣٠,٠٠٠) سیھ ھزار دینار بن".
باسنیوز
