ل دهۆكێ رەوشا سێ تووشبوویێن كۆرۆنایێ تێك چوویە
د. موئەیەد ئەغالی، سەرپەرشتێ چارەسەركرنا نەخۆشێن كۆرۆنایێ ل پارێزگەها دهۆكێ دیار كر كو: "ئەڤرۆ 26/7/2020ێ رەوشا سێ تووشبوویێن كۆرۆرنایێ تێكچوویە وباش نینە هەرسێ ژی ب رەگەز نێرن. نۆكە دبن چاڤدێری دانە. ئەڤە هەر سێ تووشبوویێ ژی ئێك ژوان تووشبوویان نەخۆشیا پەنچەشێری هەیە، دژیێ 80 سالی دایە هەروەسا ژی تووشبویەكێ دی دژیێ 60 سالی دایە رەوشا وێ ژی باش نینە وتووشبوویەكێ ژی نەخۆشیا شەكری هەیە رەوشا وی ژی باش نینە. ئەڤ هەر سێ تووشبوو د رەوشەكا نە جێگر دانە".
ئاشكەرا كركو: "هندەك تووشبوو هەنە ژێدەرێ وان دیار نینە، ئەڤە جهێ مەترسیی یە لەورا پێدڤیە وەلاتی بەردەوام بن ل سەر بجه ئینانا رێنمایێن خۆ پاراستنێ ژڤایرۆسێ كۆرۆنایێ".
د. موئەیەد گۆت: "هندەك ژ تووشبوویێن كۆرۆنایێ نیشان ل دەڤ پەیدا بووینە وسەرەدانا دەزگەهێن ساخلەمیێ كرینە و هندەك تووشبوو ژی ژ پارێزگەهێن عێراقی وەكو بەغدا و مووسل یێن هاتینە دهۆكێ".
ل پارێزگەها دهۆكێ هەتا نۆكە 396 تووشبوویێن كۆرۆنایێ یێن هاتینە تۆماركرن ژوانا ژی 312 تووشبوویێ یێن هاتینە چارەسەركرن نۆكە 84 تووشبوویێ ناڤ نەخۆشخانێدا ماینە.
باسنیوز
