بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیار كر كو هەتا ئەڤرۆ 25/7/2020ێ‌ ل دهۆكێ‌ 385 تووشبوویێن كۆرۆنایێ‌ یێن هاتینە تۆماركرن. ژوانا ژی 300 تووشبوو‌ یێن هاتینە چارەسەركرن. نۆكە 85 تووشبوویێن كۆرۆنایێ‌دناڤ نەخۆشخانێ‌ دا ماینە.

حەمزە رەزیكی، بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ دیار كر كو: "هەتا نۆكە رێژا ل دهۆكێ‌ چوو تووشبوویان گیانێ‌ خوە ژدەست نەداینە .هەر ژدەستپێكی هەتا نۆكە 385 تووشبوویێن كۆرۆنایێ‌ ل دهۆكێ‌ یێن هاتینە تۆماركرن ژوانا ژی 300 تووشبوویێ‌ یێن هاتینە چارەسەركرن و چووینە مالێن خوە. یێن‌ دیتر هێشتا ناڤ نەخۆشخانێ‌ دا ماینە. ل دهۆكێ‌ چاڤدێریەكا زۆر باش لسەر تووشبوویێن‌ كۆرۆنایێ‌ هەیە هەر تشتەكێ‌ پێدڤی بیت بۆ تووشبوویان،‌ دهێتە ئەنجامدان پێخەمەت پاراستنا گیانێ وی‌".

ئاشكەرا كر كو: "نۆكە ل دهۆكێ‌ دوو تاقیگەه بۆ پشكنینا كۆرۆنایێ‌ كاردكەن ئەوژی تاقیگەها ساخلەمیا گشتی یا دهۆكێ‌ و تاقیگەه ساخلەمیا ئاكرێ‌ و هژمارا پشكنینان ژی هاتیە زێدەكرن كو هەر ژدەستپێكا پەیدابوونا كۆرۆنایێ‌ هەتا نۆكە ل دهۆكێ‌ زێدەتر ژ 43 هزار پشكنینێن كۆرۆنایێ‌ یێن هاتینە كرن".















باسنیوز