بەرەبەیانی ئەمڕۆ چوارشەممە لە قەزای شارەزور، كارمەندێكی فەرمانگەی كارەبا بەهۆی كەوتنەوە خوارەوە لە تاوەری كارەبا گیانی لەدەست دا.

كەمال ئەحمەد، بەرپرسی راگەیاندنی نەخۆشخانەی شەهید رەئووف بەگ لە قەزای شارەزور، رايگەیاند: "سەرلەبەیانی ئەمڕۆ چوارشەممە 22/7/2020، تەرمی كارمەندێكی فەرمانگەی كارەبای شارەزوور بەناوی (ع.ج) گەیەندرایە نەخۆشخانەكەمان كە لەسەر تاوەری كارەباوە كەوتووتە خوارەوە."

گوتیشی: "رووداوەكە لە كاتێكدا بووە كە دەوامی فەرمیی نەبووە و كاری سەربەخۆی كردووە."

هاوكات شەوی رابردووش لە گەڕەكی "قۆریە"ی شاری كەركوك هاووڵاتییەك بەهۆی تەزووی كارباوە گیانی لەدەست دا.












باسنيوز