گوتەبێژی فەرمانگەی تەندروستیی كەركووك ڕای گەیاند 11 تووشبووی دیکە لە کەرکووک بەهۆی پەتای کۆرۆناوە گیانیان لەدەست داوە و هاوکات 106 كەسی دیكەش تووشی پەتای كۆرۆنا بوون.

سامان یابە، گوتەبێژی فەرمانگەی تەندروستیی كەركووك، ڕايگەیاند: "دوێنێ دووشەممە 20/7/2020، لە كەركووك 11 كەسی دیكە بەهۆی پەتای کۆرۆناوە گیانیان لە دەست داوە و هاوکات 106 كەسی دیكە تووشی كۆرۆنا بوون و 61 كەسیش لەو پەتایە چاك بوونەتەوە".

گوتیشی: "هەتا ئێستا لە كەركووك سێ هەزار و 284 كەس تووشی كۆرۆنا بوون، كە هەزار و 522 كەسیان لە نەخۆشخانەكانن و هەزار و 585 كەسی دیكەیان چاك بونەتەوە، هەروەها 177 كەسیشیان گیانیان لە دەست داوە".











باسنيوز