لە كۆمەڵگه‌ى دەروازەی نێودەوڵەتیی ئیبراهیم خەلیل، نزیكەی 16 هەزار تۆن لە كەرەستەی جۆراوجۆر، بەهۆی نەگونجانیان لەگەڵ ڕێنوێنییه‌كانى حكوومەتی هەرێمی كوردستان، گەڕێندراونەتەوە و له‌نێو بردراون.

کامی کەمال، گوتەبێژی کۆمه‌ڵگه‌ى دەروازەی نێودەوڵەتیی ئیبراھیم خەلیل، ڕایگەیاند: "لە ڕۆژى 1\1\2020 تا به‌ره‌به‌یانى 2020/5/18، 15 هه‌زار و 997 تۆن و 348 كیلۆگرام كه‌ره‌سته‌ى جۆراوجۆر له‌ تاقیگه‌ى كومه‌ڵگه‌ى ده‌روازه‌ى نێوده‌وڵه‌تىی ئیبراهیم خه‌لیل پەسەند نەکراون".

گوتیشى: "ئه‌و كه‌ره‌سته‌ جۆراوجۆرانه‌، لەلایەن لێژنە پەیوەندیدارەکانی سەر بە دەروازەوه‌ گه‌ڕێندراونه‌ته‌وه‌ و له‌نێو براون، له‌به‌ر ئه‌وه‌ى له‌گه‌ڵ ڕێنوێنییه‌كانى حكوومه‌تى هه‌رێمى كوردستان نه‌گونجاون".

کۆمه‌ڵگه‌ى دەروازەی نێودەوڵەتیی ئیبراھیم خەلیل ئه‌وه‌شى خسته‌ ڕوو، كه‌ره‌سته‌كان پێك دێن له‌: كه‌ره‌سته‌ى ته‌ندروستى، خواردن و خواردنه‌وه‌، كۆزمه‌تیك، ڤێتێرنه‌رى، چاندن و بیناسازى".












باسنیوز