ژ نێزیكبونا ده‌ستپێكرنا پرۆسێسا خواندنێ و ئه‌نجامدانا ئه‌زمونان ل ته‌ڤا قوتابخانه و زانكویان، فه‌رمانگه‌ها ژینگه‌ها دهۆكێ به‌رى چونا قوتابیان بو ناڤا ئه‌وان ئاڤاهیان، دێ ئاڤاهیان تافیلكه‌ت و ره‌شینیت

محمد تاهر سه‌لاحه‌دین بریفكانى، رێڤه‌به‌رێ فه‌رمانگه‌ها ژینگه‌ها دهۆكێ دیاركرن: "مه‌ وه‌كه‌ فه‌رمانگه‌ها ژینگه‌ها دهۆكێ داخاز ژ رێكخراوا (GIZ) كر كو د هاریكار بن دگه‌ل مه‌ تا كو ئه‌م بشێن ئاڤاهیێن هه‌مو قوتابخانه‌ و زانكویێن دهۆكێ تافیل بكه‌ین و بشوین به‌رى كو قوتابى قه‌ستا وان ئاڤاهیان بكه‌ن بو مه‌ره‌ما خواندنێ ئان ئه‌نجامدانا ئه‌زمونان، و گوت ژى: "بو ئه‌ڤێ مه‌ره‌مێ كوچكا پارێزگه‌ها دهۆكێ ژى پشته‌ڤانیا كارێ مه‌ كریه‌".

رێڤه‌به‌رێ فه‌رمانگه‌ها ژینگه‌ها دهۆکێ ئه‌و چه‌نده‌ ژى دو پات كر: "پلانا مه‌ بو كو دوهى رێكه‌فتى 15/5/2020 ئه‌ڤ كاره‌ هاتبا ئه‌نجام دان، لێ ژ به‌ر كو ره‌زامه‌ندیا گشتى یا رێكخراوێ گیرو بویه‌".

ناڤبرى ژلایه‌كێ دیتر ڤه‌ دوپاتى ل سه‌ر وێ چه‌ندێ كر: "ئه‌م چاڤه‌رێ دكه‌ین ل ڤان نێزیكان به‌رى كو قوتابى قه‌ستا ئه‌وان ئاڤاهیان بكه‌ن ره‌زامه‌ندى بو ئه‌نجامادانا ئه‌ڤى گارى بگه‌هیته‌ ده‌ستێ مه‌ و دێ ل ده‌مه‌كێ نێزیك ئاڤاهبێن قوتابخانه‌ و زانكۆیا دهۆكێ هێنه‌ تافیلكرن و شویشتن تا كو ساخله‌میا هه‌مو قوتابیان دویر بیت ژ هه‌ر جوره‌ نه‌خوشیه‌كێ".











باسنیوز