ئه‌مڕۆ پێنجشه‌ممه‌ 14/5/2020، به‌ڕێوه‌به‌رایه‌تیی هاتوچۆى هه‌ولێر، ئاگادارییه‌كى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "ئاگاداری سه‌رجه‌م هاووڵاتییان و شۆفێران ده‌كه‌ینه‌وه،‌ كه‌‌ ڕۆژی یه‌كشه‌ممه‌ 17/5/2020، ڕاییكردنی مامه‌ڵه‌كان به‌ هه‌موو جۆره‌كانی (تازه‌كردنه‌وه‌ و گۆڕینی مولكیه‌ت و تۆماركردن بۆ یه‌كه‌م جار) له‌ به‌ڕێوه‌به‌رایه‌تیی هاتوچۆی هه‌ولێر ده‌ست پێده‌كاته‌وه".

باس له‌وه‌ش كراوه‌، هاووڵاتییان ده‌توانن ڕۆژانه‌ له‌ كاتژمێر 9ى به‌یانى، تا 2ى پاش نیوه‌ڕۆ، بۆ ڕاییكردنى مامه‌ڵه‌كانیان، سه‌ردانى به‌ڕێوه‌به‌رایه‌تیی هاتوچۆى هه‌ولێر بكه‌ن، به‌ مه‌رجێك بلیتى سه‌ردانیكردن له‌ڕێگه‌ى ئۆنلاین و له‌ وێبسایتى هاتوچۆى هه‌ولێر وه‌ربگرن، كه‌‌ كات و ڕۆژی سه‌ردانه‌كه‌یان بۆ دیاری ده‌كات، پێویسته‌ هاووڵاتییانیش له‌كاتى سه‌ردانكردنى به‌ڕێوه‌به‌رایه‌تییه‌كه‌یان، ڕه‌چاوى ڕێنوێنییه‌ ته‌ندروستییه‌كان بكه‌ن‌ و ده‌ستكێش و ده‌مامك به‌كار بهێنن".












باسنيوز