ئەندامێکی ئەنجومەنی پارێزگای سلێمانی ئاشکرای کرد عەلوەکانی سنووری ئیدارەی راپەڕین پێشێلێ بڕیارێکی وەزارەتی کشتوکاڵ و سەرچاوەکانی ئاو دەکەن و دەستیانکردوەتەوە بە وەرگرتنی حمولە لە جوتیاران.

کاسترۆ مەعروف، ئەندامی ئەنجومەنی پارێزگای سلێمانی ڕایگەیاند: "لەمیانی بەدواچونێکیاندا بۆ عەلوەکانی سنووری ئیدارەی ڕاپەڕین دەرکەوت کە خاوەن عەلوەکان حمولە لەو جوتیارانە وەردەگرن کە بەرھەمەکانیان دەبنە عەلوەکان".

گوتیشی: "ئەو کارەی خاوەن عەلوەکان پێچەوانەی بڕیاری وەزارەتی کشتوکاڵ و سەرچاوەکانی ئاوە کە وەرگرتنی حمولەی لە جوتیاران قەدەغەکردبوو".

ئەندامەکەی ئەنجومەنی پارێزگای سلێمانی باسی ئەوەشی کرد، کە لەپێناو کۆتایی ھێنان بەو دیاردەیەو چاسەری ڕیشەیی و گەڕانەوەی مافی جووتیاران، لایەنە پەیوەندیدارەکان ئاگادار دەکەنەوە.










باسنیوز