بەرەبەیانی ئەمڕۆ شەممە لە سنووری قەزای داقووقی سەر بە پارێزگای كەركووك، ژمارەیەك چەكداری نەناسراو سەرۆك هۆزێكیان بۆ شوێنی نادیار ڕفاند.

لەمبارەوە ماجید ئەنوەر عوبێدی، خزمی نزیكی ئەو سەرۆك هۆزە، ڕايگەیاند: "بەرەبەیانی ئەمڕۆ شەممە 9/5/2020، لە گوندی (ستێح)ی سەر بە داقووق، ژمارەیەك چەكداری نەناسراو، (ئەحمەد عەجمی عوبێدی) كە سەرۆك هۆزی عوبێدە لە سنووری داقووقیان بۆ شوێنی نادیار ڕافاندووە.

گوتیشی: "تا ئێستا چارەنووسی دیار نییە و مۆبایلەكەشی داخراوە و لەبارەی ڕفاندنەكەشییەوە لایەنە پێوەندیدارەكان ئاگادار كراونەتەوە".












باسنيوز