بەرێوەبەرایەتی گشتی تەندروستی هەولێر چاکبوونەوەی پێنج تووشبووی دیکەی بە ڤایرۆسی کۆرۆنا راگەیاند.

تەندروستی هەولێر لە راگەیاندراوێکدا بڵاویکردەوە، "دوای ئەوەی ئەمڕۆ بەیانی (٦) نەخۆشی پەتای کۆرۆنا چاکبوونەوە، هەر ئەمڕۆ (٥) نەخۆشی تر چاکبوونەوە و بڕیاردرا بنێردرێنەوە ماڵەوە، کۆی گشتی چابووەکانی ئەمڕۆ بووە ۱۱ کەس".

دەقی راگەیاندراوەکە:

• هاوڵاتیانی خۆشەویستی شاری هەولێر پێتان ڕادەگەیەنین کە (۱۱) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.

• کۆی گشتی چابووەکان گەیشتە (۱۸۹) کەس.

• سوپاسی پابەندبوونتان دەکەین بۆ ڕێنماییە
خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.

• زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.

د. دلۆڤان محمدفاتح جلال
بەڕێوەبەری گشتی تەندروستی هەولێر
۷ی ئایاری ۲٠۲٠












باسنيوز