دوای کەمبوونەوەی مەترسییەکانی کۆرۆنا، لە شاری ڕانیە دەست کرایەوە بە کارکردن لە قیرتاکردنی چەند شەقامێکی شارەکە.

ئازا کەریم، لێپرسراوی راگەیاندنی بەڕێوەبەرایەتیی شارەوانییەکانی ڕاپەڕین ڕایگەیاند: "دوای کەمبوونەوەی مەترسییەکانی ڤایرۆسی کۆرۆنا، قۆناغی یەکەمی ئامادەکردن و قیرتاوکردنی شەقامە لاوەکییەکانی دەروازەی شاری ڕانیە و بەردەم فەرمانگەی داواکاری گشتیی ڕاپەڕین و کتێبخانەی گشتیی ڕانیە و دیوانی بەڕێوەبەرایەتیی شارەوانییەکانی ڕاپەڕینمان دەست پێ کرد".

گوتیشی: "تەواوبوونی قیرتاوکردنی ئەو شوێنانە خزمەتێکی باش بە لایەنی ھاتوچۆ دەکات، بەتایبەت کەمکردنەوەی قەرەباڵغی لەسەر چوارڕێیانی دەروازەی شار و کەمکردنەوەی ڕووداوی نەخوازراوی ھاتوچۆ".










باسنیوز