ساخلەمیا دهۆكێ رێكەڤتنەكێ دگەل وەلاتێ چیك ئیمزا دكەت
د. نزار عسمەت، رێڤەبەرێ گشتی ساخلەمیا پارێزگەها دهۆكێ دیار كر كو: "میشێل سڤوبودا قونسلی گشتی یێ وەلاتێ چیك ل هەرێما كوردستانێ نە بۆ جارا ئێكی هاریكاریا ساخلەمیا دهۆكێ دكەن بەری نها ژی هاریكاریا ساخلەمیێ كرینە. چەندین پرۆژە هەبووینە وچەندین نۆشدارێن دهۆكێ برنە وەلاتێ چیك بۆ مەشق و راهێنانێ و چەندین پسپۆرێن وان ل دهۆكێ راهێنان بۆ نۆشدار و كارمەندێن ساخلەمیێ كرن وبەردەوامێ دان ب ڤێ هاریكاری دوو رێكەڤتن هاتینە ئیمزا كرن".
ئەوژی بەرێ دەمەكێ رێكەڤتنەك هاتبوو كرن بۆ دروستكرنا ژوورەكا زارۆكبوونێ وئەڤرۆ6/5 ژی رێكەڤتنەك هاتە ئیمزاكرن دێ چەندین ئامێرێن نۆشداری بۆ ساخلەمیا دهۆكێ دابین كەن ژوانا ژی دێ هندەك بۆ زارۆكێن ژ نوو ژدایك بن دهێنە دابینكرن".
خۆیا ژی كر كو: "ئەڤ رێكەڤتنا ب كوژمێ نێزیكی 55 هزار دۆلارێن ئەمریكێ هاتە ئیمزاكرن. دووماهیا ئەڤ سالە ژی دێ پرۆفیسورەكی وەلاتێ چیك یێ تایبەتمەند ب نەخۆشیێن نها بەربەلاڤ قەستا هەرێما كوردستانێ كەت دێ مەشق و راهینان ب نۆشدار و ستافێ ساخلەمیێ كەت".
باسنيوز
