گوتەبێژی جێگری نووسینگەی جێگری سەرۆکی حکوومەتی هەرێمی کوردستان ئاشکرای کرد، ئێوارەی سبەی سێشەممە ٥ی ئایاری ٢٠٢٠، شاندەکەی حکوومەتی هەرێمی کوردستان سەردانی بەغدا دەکاتەوە.

سەمیر هەورامی، گوتەبێژی نووسینگەی جێگری سەرۆکی حکوومەتی هەرێمی کوردستان رايگەیاند: ”بڕیارە‌ ئێوارەی سبەی شاندێکی باڵای حكوومە‌تی ھە‌رێمی کوردستان سە‌ردانی بە‌غدا بكات، بە‌مە‌بە‌ستی تە‌واو كردنی گفتوگۆكانی ھە‌فتە‌ی پێشوو".

ڕوونیشی کردەوە، شاندەکە لە بەغدا بە پێشنیازی تازەوە گفتوگۆکانی درێژە پێدەدات و لەبارەی بودجە، نەوت و گەڵاڵەکردنی پێشنیازی گونجاو بۆ هەردوولا، گفتوگۆ دەکرێت.

ئەوەشی ئاشکرا کرد کە ئەو شاندەی سەردانەکە ئەنجام دەدات، هەمان ئەو شاندە دەبن کە هەفتەی پێشووی سەردانی بەغدایان کردووە.













باسنيوز