بەرپرسێ‌ راگەهاندنێ‌ رێڤەبەریا گشتی ساخلەمیا دهۆكێ‌ دیاركركو رەوشا هەر چار تووشبوویێن كورۆنا ل دهۆكێ‌ یاباشە و پێدڤی ب ئامێرێن هەناسەدانا دەستكر نەبووینە.

حەمزە رەزیكی، بەرپرسێ‌ راگەهاندنێ‌ رێڤەبەریا گشتی ساخلەمیا دهۆكێ‌ دیار كر كو: "نۆكە چار تووشبوویێن كورۆنا ل دهۆكێ‌ ناڤ نەخۆشخانێ‌ دا ماینە دهێنە چارەسەركرن دوو ژوانا نەخۆشان ژیێ‌ وان زێدەتر ژ 70 سالیە‌ ونەخۆشەك ژی ژیێ‌ وی هەشت سالە زارۆكە و ونەخۆشێ دێ‌ ژیێ‌ وی هەتا 46 سالیێ‌ یە. رەوشا هەر چار نەخۆشان كۆنترۆل كریە نها رەەوشەكا باشدانە كو ل پارێزگەها دهۆكێ‌ 19 كەس هەر ژ دەستپێكی هەتا نۆكە تووشێ‌ كورۆنا بووینە ژوانا ژی 15 كەس ب تەمامی‌ هاتینە چارەسەركرن چووینە مالێن خوە وچار تووشبوویێن كورۆنا دناڤ نەخۆشخانێ‌ دا ماینە دهێنە چارەسەركرن".

خۆیا ژی كر كو: "هەتا نۆكە ل دهۆكێ‌ سێ‌ هزار و 470 كەس هاتینە كەرەنتیكرن ژوانا ژی 715 كەس ماینە ناڤ كەرنتینان دا و زێدەتر ژ دوو هزار و 700 كەسان ژناڤ جهێن كەرەنتینان چووینە مالێن خوە و هەر ژ دەستپێكی هەتا نۆكە نەه هزار و 516 پشكنینن یێن هاتینە كرن".










باسنیوز