وەزارەتی دارایی و ئابووریی حکوومەتی هەرێمی کوردستان وادەی دەست پێکردنی مووچەی فەرمانبەرانی هەرێمی کوردستانی راگەیاند.

کەمێک لەمەوبەر وەزارەتی دارایی بە فەرمی رای گەیاند کە سبەی دووشەممە ٤ی ئایاری ٢٠٢٠، دەست بە دابەشکردنی مووچەی فەرمانبەران دەکرێت.

ئەوەش ئاشکرا کراوە کە مووچەی فەرمانبەران و پزیشک و کارمەندانی وەزارەتی تەندروستی وەک یەکەمین وەزارەت دابەش دەکرێت.

ئەمە لە کاتێکدایە کە دوێنێ شەممە ٢ی ئایاری ٢٠٢٠، سەرۆکایەتیی ئەنجوومەنی وەزیرانی هەرێمی کوردستان بڕیاری دا، بەپێی ئەو توانا داراییەی لەبەردەستدا هەیە، دەست بە دابەشکردنی مووچەی فەرمانبەرانی هەرێمی کوردستان بکرێت.




باسنيوز