وەزارەتی تەندروستی حکوومەتی هەرێمی کوردستان تۆمارکردنی هەشت حاڵەتی نوێی تووشبوون بە ڤایرۆسی کۆرۆنا لە سۆران راگەیاند.

بەپێی راگەیاندراوێکی وەزارەتی تەندروستی تێیدا هاتووە: "لە بەردەوامی پشکنینەکان و گەڕان بەدوای گومانلێکراوان، هەشت تووشبووی دیکەی ڤایرۆسی کۆڕۆنای نوێ COVID-19 لە پارێزگای هەولێر دەستنیشانکران".

ئاماژە بەوەش کراوە، حەوت تووشبوو دانیشتووی گەرەکی سێتاقانە هەموویان بەرکەوتەی تووشبوێکی پێشووی تەلار سیتیە لە ناحیەی کەسنەزان کە لەنێویاندا سێ ئافرەت تەمەنەکانیان (٨٥)، (٤٣)، (٣٦) ساڵن و چوار منداڵ تەمەنەکانیان (١٢)، (١٠)، (٦)، (٥) ساڵن، تووشبووی هەشتەمیش کوڕێکی تەمەن ١٩ ساڵ دانيشتووی قەزای سۆرانە و تا ئیستا سەرچاوەی بەرکەوتەی تووشبوونەکەی نادیارە.












باسنيوز