گوته‌بێژى به‌ڕێوه‌به‌رایه‌تیی هاتۆچۆى هه‌ولێر ئاماژه‌ به‌وه‌ ده‌دات، ژماره‌ى ڕووداوه‌كانى هاتوچۆ به‌هۆى مانگى ڕه‌مه‌زان و نه‌بوونى ده‌وامى فه‌رمانگه‌كان، كه‌متر بووه‌ .

فازڵ حاجى، گوته‌بێژى به‌ڕێوه‌به‌رایه‌تیی هاتۆچۆى هه‌ولێر ڕايگه‌یاند: "شۆفێرانى تا‌كسى ئاگادار ده‌كه‌ینه‌وه،‌ كه‌ هێشتا له‌ هه‌ولێر كار به‌ سیسته‌مى تاك و جووت ده‌كرێت، هه‌ر كه‌سێكیش سه‌رپێچى بكات، تووشى سزا ده‌بێته‌وه‌".

ئه‌وه‌شى خسته‌ ڕوو: "ژماره‌ى سه‌رپێچى په‌یوه‌سته‌ به‌و ئۆتۆمبێلانه‌ى له‌ شه‌قامه‌كانن، به‌ڵام له‌ هه‌ولێر به‌هۆى خۆپارێزى و نه‌بوونى ده‌وامى فه‌رمانگه‌كان و مانگى ڕه‌مه‌زان، كه‌متر خه‌ڵك دێته‌وه‌ ده‌ره‌وه و‌ كه‌متر سه‌رپێچى و ڕووداوى هاتوچۆ ڕوو ده‌ده‌ن".










باسنيوز