ئەڤرو ل باژێرێ دھۆکێ(٣) خێرخواز رابون ب رادەستکرنا کۆژمێ(١٥٨) ملیون دینارێن عیراقی بۆ رێڤەبەریا گشتی یا چاڤدێریا کۆمەلایەتی تا کو ئەو کۆژمە ل سەر خێزانێن ھەژار و کێم دەرامەت بھێت بەلاڤکرن.

د.شیرزاد حەمید رێڤەبەرێ گشی یێ چاڤدێریا جڤاکی ل پارێزگەھا دھۆکێ دیارکرن: لدیڤ پێشنیارا مەسرور بارزانی سەرۆکێ حکومەتا ھەرێما کوردستانێ و لدیڤ داخازیا فەرھاد ئەمین پارێزگارێ دھۆکێ دلخۆشێن کو ئەڤرو رۆژا دووشەمبی رێکەفتی ٢٧⁄٤⁄٢٠٢٠ ل دھۆکێ (٣) ژ دەولەمەندێن پارێزگەھا دھۆکێ کوژمەکێ پارەی گەھاندیە مە کو ل سەر خێزانێن ھەژار و کێم درامەت بھێتە بەلاڤکرن کو کۆژمێ (١٥٨) ملیون دینارن و گۆت ژی: ئەو ھەر سێ دەولەمەندە پێک ھاتبون ژ (کاوە عەبدولا جونەید رێکانی (٥٠٨) خێزان بخوڤە گرتینە کو ھاریکاریا ل سەر بەلاڤ بکەت و (٢٠٠) خێزان دێ ل سنورێ قەزا ئامێدیێ بن کو کۆژمێ(١٢٢)ملیون دینار ژلایێ کاوە عەبدولا جونەید رێکانی ڤە ھاتنە تەرخانکرن.

رێڤەبەرێ گشی یێ چاڤدێریا کۆمەلایەتی ل پارێزگەھا دھۆکێ ئەو چەندە ژی دوپاتکر: دەولەمەندەکێ دیتر ب ناڤێ(حازم توڤی خۆدانێ کومپانیا توڤی گرۆپ) کۆژمێ(٢٤) ملیون دینارێن عێراقی تەرخانکرینە و خودانێ کۆمپانیا(راست گرۆپ) کو خۆدانێ وێ(ئیبراھیم شنگالی) بویە و کۆژمێ(١٢) ملیون دینارێن عێراقی تەرخانکرینە.

ناڤبری ئاماژە ب وێ چەندێ ژی دا: ئەڤ کوژمێ پارەی ب میکانیزمەکێ باش و رێکخستی دێ ل سەر (٧٠٠) خێزانان ھێتە دابەشکرن و ھەر خێزانەک دێ ژ وەرگرتنا(٢٠٠) دۆلاران مفادار بیت و گۆت ژی: ئەم دلخۆش دبین دەما خێرخوازێن مە ب ڤی رەنگی دەستێ ھاریکاریێ بۆتەخا ھەژاران درێژ دکەن و ھەلبەت کۆمکرنا ئەڤی کوژمەی لسەر داخازیا پارێزگارێ دھۆکێ ژ ھەرسێ دەولەمەندان بویە و ھەر ئەڤرۆ رۆژا دوۆشەمبی تا کو سوبە رۆژا سێ شەمبی ئەڤ کۆژمە دێ ھێتە بەلاڤکرن.











باسنیوز