نۆشدارەكی دهۆكێ پشتی تووشی كۆرۆنایێ بووی پامەكێ بەلاڤ دكەت
ئەڤە ژی دەقێ پەیاما نۆشدارێ دهۆكی یە.
ب ناڤێ خودێ مەزن و دلۆڤان
ئەز (د. ملڤان حەبیب توڤی) نۆشدارێ تایبەتمەندێ دل وهناڤا ل نەخۆشخانا ئازادیا دهۆكێ و مامۆستامە ل كولێژا پزیشكی دئەركێ خوە یێ نۆشداری دا وپشتی چارەسەركرنا نەخۆشەكێ گومانلێكری ب كۆرۆنایێ وپشتی هینگێ پشت راست بوو كو هەلگرێ ڤایرۆسێ یە ودیاربوونا چەند نیشانێن كۆرۆنایێ ل دەڤ من وەكو تا(حرارە) وئێشانا گەوریێ من ژێك بفەر دیت تێستا كۆڤید 19 بخوە ژی ئەنجام بدەم و دەركەفت كو ئەز ژی یێ تووشی ڤێ پەتایێ بوویم.
ئەز پر ژ دل سوپاسیا كارگێریا پارێزگەها دهۆكێ و رێڤەبەریا ساخلەمیا دهۆكێ وهەڤال و نۆشدار و كەس و كارێن خوە وكارمەندێن ساخلەمیێ وقوتابێن كولێژا پزیشكی وهەر كەسەكێ پرسیارا حالێ مە كری یان پشتەڤانیا مە كری چ ب رێیا تێلەفونێ یا سۆشیال میدیایێ بیت.. سوپاس دارێ هەوە مە هەوەیێن بەرێز پشت راست دكەم كو الحمداللە ساخلەمیا من تارادەكێ گەلەك باشە وچارەسەریا من یا دهێتە كرن وچ سەرباركێن خراب نینن.
و تشتێ هەوە دلخۆشكەر بۆ من ئەوە تا نۆكە هندێ تێست یان پشكنین هاتینە كرن بۆ كەس و كارێن من و خێزانا من و هەڤپێشەیێن من یێن كاری ل نەخۆشخانا ئازادی دهۆكێ دیاربوویە كو هەمی نیگەتیڤن واتا هیچ كەسەك هەتا نۆكە ب رێیا من تووش نەبوویە.
جارەكا دیتر سوپاسیا هەوە هەمیا دكەم و خودێ هەوە هەمیان پارێزیت.
باسنيوز
