د. عەلی قەرەداخی: هیچ لێدوانێکم لەبارەی دۆخی تازەی سووریا نەداوە
هەواڵێک بەناوی د.عەلی قەرەداخی بڵاوکرایەوە کە گوایە ناوچەکانی رۆژئاوای کوردستانی بەپڕۆژەیەکی زایۆنیستی ئەمریکیی ناوبردووە و بەپێویستی زانیوە لەناوببرێت.
د.عەلی قەرەداخی ئەمینداری گشتیی یەکێتیی زانایانی ئایینی مسوڵمان لە جیهان راگەیاند: "ئەو هەواڵە دوورە لە راستی و هیچ لێدوانێکم لەسەر باردودۆخی تازەی سووریا نەداوە".
ئێوارەی رۆژی چوارشەممە تورکیا ئۆپەراسیۆنی بۆ رۆژئاوای کوردستان دەستپێکرد و تاوەکو ئێستا 10 هاونیشتمانی گیانیان لەدەستداوە و 25 کەسی دیکەش برینداربوون.
