ئێزدیێن رۆژئاڤا دترسن كارەساتا عەفرینێ بسەر واندا بهێت
كەندال رەمۆ، ئەندامێ سەركرداتیا ئەنجومەنێ ئێزدیێن سوریا دیار كر: "ئێزدی ل گەلەك جه و دەڤەرێن سوریا ئاكنجی نە. هەكە هات شەر رووبدەت دێ ئێزدی ئاوارە بن ومەترسی هەیە ئەوا بسەرێ ئێزدیان هاتی ل عەفرینێ ل دەڤەرێن دی ژی وەكو قامشلۆ و سەرێ كانیێ و دەڤەرێن دی یێ ئێزدی تێدا ئاكنجی، ئەو كارەسات دووبارە بیت و مەترسی گەلەك هەیە ئێزدی تووشی كارەساتەكا مەزن بن د ناڤ وەلاتێ سوریا دا. لەورا ژی ئەم هێڤدارن توركیا دەربازی سنورێ رۆژئاڤایێ كوردستانێ نەبیت داكو مللەتێ مە دەربەدەر نەبیت تووشی كارەساتان نەبن".
خویا ژی كر: "مە پێ نەخۆشە ئێش و شەر دروست بیت چونكو دێ مللەتێ مە یێ ئێزدی تووشی مەزنترین قوربانیان بیت. نها ئەم چاڤدێری لسەر رەوشی دكەن پشتی توركیا گەف لسەر رۆژئاڤایێ كوردستانێ كرن ئەم جارێ رەوشێ تەماشە دكەن".
باسنيوز
