ل دەڤەرا ئامێدیێ 35 خێزان ژبەر پەكەكێ و توركیا مالێن خوە چوول كرینە
سەربەست ئاكرەیی، رێڤەبەرێ ناحیا كانی ماسێ سەر قەزا ئامێدیێ ڤە دیار كر: "پشتی ئەڤ هژمارا خێزانان دووبارە زڤرینە سەر مال و حالی خوە ل گۆندێ بێدەهی دەست ب ژیانا خوە كرن مە ژی وەكو ئێدارا دەڤەری ئەڤرۆكە ئامیرین چێكرنا جادەیان رەوانەی گۆندی كرن بۆ چێكرنا رێكی كو ژین وژیارا خەلكێ ڤی گۆندی سەر كارێن چاندنی یە نوكە وەرزی ژێڤەكرنا بەرهەمێ كێز و سیڤێن دەڤەری یە پتر ژ هزار تەنین كێزا ل دەڤەرا مە دهێنە بەرهەمهێنان وخەلكێ دووبارە دەست ب كارێن خوە چاندنێ كرن".
خۆیا ژی كر: "خەلك یێ زڤرینە سەر گۆندێن خوە ل دەڤەری پشتی بۆردومانكرنا دەڤەری ڤێ هەیامێ دا هاتیە راگرتن دێ هەولا دەن هەموو خزمەتگوزاریان ژی بۆ وان گۆندان دابین بكەین یێن خەلكێ تێدا ژین".
باسنیوز
