ژماره‌یه‌ك قوتابخانه‌ له‌ سنوورى به‌ڕێوه‌به‌رایه‌تیى په‌روه‌رده‌ى كه‌لار مه‌ترسییان له‌سه‌ر ژیانى مامۆستایان و قوتابییان دروست كردووه‌، به‌ڕێوه‌به‌رى په‌روه‌رده‌ى كه‌لاریش ژماره‌ى قوتابخانه‌كان ئاشكرا ده‌كات و ڕای ده‌گه‌یه‌نێت: "داوامان له‌ وه‌زاره‌تى په‌روه‌رده‌ كردووه‌ چاره‌سه‌رى گرفتى ئه‌و قوتابخانانه‌ بكات".

عه‌داله‌ت له‌تیف، به‌ڕێوه‌به‌رى په‌روه‌رده‌ى كه‌لار، ڕاى گه‌یاند "له‌ سنوورى به‌ڕێوه‌به‌رایه‌تیى په‌روه‌رده‌ى كه‌لار هه‌شت قوتابخانه‌ هه‌یه‌ كه‌ به‌كه‌ڵكى خوێندن نایه‌ن و مه‌ترسین بۆ سه‌ر ژیانى مامۆستایان و قوتابییان".

گوتیشی: "داوامان له‌ وه‌زاره‌تى په‌روه‌رده‌ كردووه‌ چاره‌سه‌رى گرفتى ئه‌و قوتابخانانه‌ بكات، پێش ئه‌وه‌ى كاره‌ساتێكى لێ بكه‌وێته‌وه‌".

به‌ڕێوه‌به‌رى په‌روه‌رده‌ى كه‌لار ئاماژه‌ى به‌وه‌ش دا: "هه‌ندێك له‌و قوتابخانانه‌ به‌ كه‌ڵكى نۆژه‌نكردنه‌وه‌ش نایه‌ن و پێویسته‌ قوتابخانه‌ى دیكه‌یان له‌شوێن دروست بكرێت".









باسنیوز