به‌ داخێكی زۆره‌وه‌ ئه‌مرۆ له‌وڵاتی به‌ریتانیا پرۆفیسۆر دكتۆر له‌تیف كه‌ریم واحید كۆچی دوایی كرد ، پرۆفیسۆر له‌تیف واحید یه‌كێك بوو له‌ ئابوریناس و زانا گه‌وره‌كانی كوردستان و وانه‌بێژ بوو له‌زانكۆی وێست مینسته‌ری له‌نده‌ن ، له‌ماوه‌ی چه‌ند ساڵی رابردووشدا وێرای كاره‌كانی له‌زانكۆی سه‌لاحه‌دین ، راوێژكاری كاروباری ئابوری ئه‌نجوومه‌نی وه‌زیرانی حكومه‌تی هه‌رێمی كوردستان بووه‌.
پرۆفیسۆر له‌تیف واحید ئه‌ندامی ئه‌نیستیتۆی نیشتمانی بۆ دیراساتی سیاسی ‌ له‌ كوردستان و هاوكاری ئه‌نیستیتۆی تویژینه‌وه‌ و گه‌شه‌پێدانی كوردستانیش بووه‌ ، هه‌روه‌ها یه‌كێك بوو له‌ نووسه‌ره‌ دیاره‌كانی گۆڤاری گوڵان و چه‌ندین نووسین و توێژینه‌وه‌ی له‌ گۆڤاری گوڵان بڵاوكردۆته‌وه‌.
به‌م بۆنه‌ خه‌مناكه‌وه‌ به‌ناوی ته‌واوی ستاڤی گۆڤاری گوڵانه‌وه‌ پرسه‌ی خۆمان ئاراسته‌ی كاك ئالانی كوڕه‌ گه‌وره‌یی و خاتوو ئاسیا-ی هاوسه‌ری و ته‌واوی بنه‌ماڵه‌كه‌ی و هاوڕێی و هاوكارانی ده‌كه‌ین و له‌په‌روه‌ردگار داوا ده‌كه‌ین گیانی پاكی به‌ به‌هه‌شتی خۆی شاد بكات..


انا لله‌ وانا الیه‌ راجعون



فه‌رهاد محه‌مه‌د
سه‌رنووسه‌ری گوڵان