رێڤەبەرێ‌ سەخبیری و پاراستنا رێك و پرا ل دهۆكێ‌ دیاركر كو پلانەك بۆ نوژەنكرنا 37 جادەیێن دهۆكێ‌ هاتە دانان هەموو تەسە وجهێن ئاڤێ‌ خرابكرین دهێنە نوژەنكرن ل دەمەكێ‌ نێزیكدا دێ‌ دەست پێ‌ هێتە كرن.

دیوالی حەمێ‌ بریندار، رێڤەبەرێ‌ سەخبیری و پاراستنا رێك وپرا ل دهۆكێ‌ دیاركر: "چەندین جادەیێن دهۆكێ‌ ژبەر قەیرانا دارایێ‌ دسالێن بۆرێدا نەها تینە نوژەنكرن ولەهیێن بارانی ژی زڤستانیێن بۆرێدا زیان گەهاندیە جادەیان ژبەر نەبوونا پاری نەهاتبوونە نوژەنكرن وەكو پێدڤی لەورا نوكە پلانەك هاتیە دانان بۆ نوژەنكرنا 37 جادەیان لسەرانسەری پارێزگەها دهۆكێ‌ بتایبەتی ژی ئەو جادەیێن قەزا و ناحیی و كۆمەلگەهان ب دهۆكێ‌ ڤە گرێدەن هەموو جهێن بووینە تەسە و ئاڤێ‌ خرابكرین دهێنە چێكرن ودەمەكێ‌ نێزیكدا دی هەموو هێنە نوژەنكرن".

ئاشكەرا ژی كر كو بۆ نوژەنكرنا جادەیان ژی كوژمەكێ‌ زۆر پاریێ‌ پێدڤیە ئەو جادەیێن سەرەكی یێن گەلەك هاتن وچوون لسەر دهێتە كرن پێدڤیە بەردەوام بهێنە نوژەنكرن ئەڤە ژی بەردەوام پێدڤی پاریێ‌ نە ئەم هەموو شیانیێن خوە كاردكەین بۆ خۆشكرنا جادەیان ونەهێلانا ئاستەنگ هاتن چوونا ب ریێا شوفێران دا ل سەر جادەیان".












باسنيوز