ئەمڕۆ دووشەممە 23 / 9/ 2019 لەكاتی پووچەڵكردنەوەی بۆمبدا، لە قەزای (شارەبان)ی سەر بە پارێزگای دیالە، پۆلیسێك گیانی لەدەست دا و باوكیشی بریندار بووە.

عەدنان محەمەد، سەرۆكی ئەنجومەنی شارەوانیی شاری شارەبان، رايگەیاند: "پێشنیوەڕۆی ئەمڕۆ لە كارگەیەكی چەو و لم لە سنووری شاری شارەبان، بۆمبێكی چێندراو ئاشكرا دەبێت و پاشتر خاوەنی كارەگەكە پۆلیسێكی شارەزای پووچەڵكردنەوەی بۆمبی لێ ئاگاار دەكاتەوە".

گوتیشی: "لە كاتی هەوڵی پووچەڵكردنەوەی ئەو بۆمبە پۆلیسێكی پووچەڵکردنەوەی بۆمب بە ڕێكەوت باوكی لەگەڵ دەبێت و لەكاتی هەوڵی پووچەڵكردنەوەدا بۆمبەكە بە پۆلیسەكەدا تەقیوەتەوە و دەستبەجێ گیانی لەدەست دا وپرشیكی بۆمبەكە بەر باوكی پۆلیسەكەش كەوتووە ئەویش بریندار بووە".












باسنيوز