سەرپەرشتیارێ قوتابخانێن كانیا سپی دیار كر ژبەر نەبوونا هەڤكاری و پشتەڤانیێ چار قوتابخانێن كانیا سپی ل كەمپێن ئاواران ل سنۆرێ دهۆكێ‌ و قەزا شنگال دهێنە دائێخستن.

شێخ خەیری، سەرپەرشتیارێ قوتابخانێن كانیا سپى دیار كر "شەش قوتابخانێن كانیا سپی هەبوون نها ژی دێ چار هێنە گرتن، بتنێ دێ دوو قوتابخانە مینن. ئەوژی هەتا دەمەكێ‌ دی یێ‌ كورت دهێنە گرتن. چوو قوتابخانێن كانیا سپی نامینن. ئەڤ قوتابخانە ب رێیا مە وەكو كارەكێ‌ خێرخوازی هاتبوونە ڤەكرن. هەتا نۆكە چوو پشتەڤانیا وەسا ل مە نەهاتیە كرن. ل سەر ئەركێ‌ خوە ئەڤ قوتابخانە مە ڤەكربوون. ئەڤە چەند سالن بەردەوام هەتا 750 قوتابیان مە هەبوون".

خویا ژی كر: "ئەو زارۆكێن ئێزدی یێن ژبن دەستێ تیرۆرستێن داعش رزگاربوون وزارۆكێن ئەتیم وسیۆی ل قوتابخانێن كانیا سپی هاتنە وەرگرتن ب رێیا قوتابخانێن كانیا سپی ئەو زارۆك یێن تووشی زولم و زۆرداریا تیرۆرستێن داعش بووین، مە بۆ ناڤ جڤاكێ‌ خوە زڤراندن".










باسنيوز