ئهڤ سالا 11 قوتابخانیێن نێڤهرۆ دێ دهستپێكا سالا نوو خاندنێ ل بهر قوتابیان هێنه ڤهكرن
عومهر عهلى ، رێڤهبهرێ گشتى یێ پهروهردى ل پارێزگهها دهۆكێ گۆت: "27 هزار و 617 ماموستایێن پهروهردیێن دهۆكێ دهستبكاربوونا خوه كرینه ل ههموو قوتابخانهیان ئهڤ سالا ژى بهرههڤیێن سالا نوو یا خاندنێ هاتینه كرن دگهل ههموو پهروهردیێن قهزایان بهرههڤێ هاتینه كرن سالا نوو ب كیمترین كیماسى دهست پێ بكهین ئهو كێشهیێن بهرى نوكه ههین بهێنه چارهسهركرن دهستپیكهكا باش بیت بۆ سالا خاندنێ".
ئاشكهرا كركو پتر ژ 104 قوتابخانهیان هاتینه نوژهنكرن نوكه بهرههڤ ب ژینگهها پاقژ و رێك وپێك پێشوازى ل قوتابیان بكهن ئهو قوتابخانه ژى ئهوبووینه یێن گهڤن بووین وپێدڤیى نوژهنكرنى ههبووینه وئهو قوتابخانیێن ژبهر قهیرانا دارایى و ئابۆرى ژى هاتینه راوهستاندن و نیڤهرۆ ماین ب سوپاسیڤه حكومهتا ههرێما كوردستنێ جارهكا دى پشتهڤانیا دارایى ل ڤان پرۆژان كریه و دهست ب چێكرنا وان هاتیه كرن ژڤانه بۆ دهسپیكرنا سالا نوو یا خاندنێ ههتا 11 قوتابخانیێن نێڤهرۆ ب دووماهیى بهێن بكهڤنه دخزمهتێ دا ب ریێا رێكخراوا giz ژى دوو قوتابخانا هاتینه چێكرن ئهوژى دهێنه بكارئینان بۆ سالا نوو.
ئهوژى راگههاند كو پهرتووك تشتهكێ سهرهكى یه ئهڤ سالا ههتا نوكه پتر ژ 90% پهرتووك هاتینه دابینكرن یێن گههشتینه گوگهه لسهر پهروهردا دهێنه بهلاڤكرن ب ریێا وان لسهر قوتابخانهیان دهێنه بهلاڤكرن ههروهسا ژى ئهو پهروهردیێن سنۆرێن وان دكهڤته دهڤهرێن چیایى و سهرما لێ پهێدابیت گاز ژى گههشتیه ئهڤ سالا دى مفایى ژى وهرگرن ههر جهێ لێ ببیت سهرما ل قوتابخانهیان وان دهڤهران گازا سپى ههیه.
ئاشكهرا كركو شووشتنا تهنكین ئاڤێ وپاقژیا قوتابخانهیان ژى هاتیه كرن دگهل هندى ژى بهرنامهكێ حهڤتیانه ههیه ئهڤه چهند سالان دهێته بجه ئینان كو ههر قوتابخانهكێ دهێته پهیرهوكرن كو ماموستا ورێڤهبهرێ قوتابخانى و قوتابیى پێ رادبن بۆ هندى گیانى قوتابیان ژ نهخۆشیان بهێته پاراستن .
ل دووماهیى ژى گۆت نوكه ئهم دهستپیكا سالا نوو یا خاندنێ داینه ودهمێ دهست ب دهواما فهرمێ دهێته كرن دى هژمارا دروست یا قوتابخانهیان و قوتابیان ئاشكرا بیت لێ پتر ژ هزار و 600 قوتابخانهیان ل دهۆكێ ههنه چونكو هندهك جاران ئهو قوتابخانهیێن ژمارا قوتابیان یا كیم بیت دهێنه لێكدان دووڤ پێدڤیاتیا دهڤهران ههتا نیڤ ملیۆن قوتابیان ژى ههنه
