لە نزیک ئاوی قەمتەران لە سنووری قەزای رانیە، هاونیشتمانییەک دوای ئەوەی بەمەبەستی مەلەکردن سەردانی ئەو ناوچەیە دەکات لە ئاودا دەخنکێت.

حوسێن عەبدوڵڵا، گوتەبێژی بەرگریی شارستانی راپەڕین راگەیاند، ئێوارەی ئەمڕۆ هەینی 6-9-2019 گەنجێکی دانیشووتی گەڕەکی راپەڕین بەناوی (ئەحمەد عەبدوڵڵا) لە ئاودا خنکا.

گەنجەکە تەمەنی 18 ساڵە و لە نزیک ئاوی قەمتەران خنکاوە. گوتەبێژی بەرگریی شارستانی دەڵێت: "تیمەکانمان تەرمەکەیان دۆزیوەتەوە و بۆ پزیشکی داد نێردراوە".

بەپێی ئامارێکی بەرگریی شارستانی راپەڕین، ئەمە پێنجەم حاڵەتی خنکانە ئەمساڵ لە سنووری رانیە تۆماردەکرێت.