بەهۆی گرانبوونی نرخی عەریزە نووسین لە فەرمانگە دادییەكانی هەرێمی كوردستان، چەند پارێزەرێکی خۆبەخش چوونە بەردەم داواكاری گشتی و داوای بەدەنگەوە هاتن لەمبارەوە دەکەن.

ئەمڕۆ چوارشەممە ٤ی٩ی٢٠١٩ گۆران دیبەگەیی پارێزەری خۆبەخش لەسەر ئەم دۆسیەیە لەبەردەم داواكاری گشتی پارێزەر گۆران دیبەگەیی بەناوی پارێزەرانی خۆبەخشەوە ئاماژەی بۆ ئەوە كرد: "بەهۆی ئەو ستەمەی لە هاووڵاتیان دەكرێت بە نووسینی عەریزەیەك لە فەرمانگە دادییەكانی كوردستان بە نرخی 25 هەزار دینار، ئێمە وەك پارێزەری خۆبەخش داوای یاساییمان تۆمار كردووە و لەگەل نوێنەری داواكاری گشتی گفتوگۆمان كردووە و ئەویش رێكاری یاسایی دەست پێدەكات".

باسی لەوەش كرد: "ئێستا رێكارە یاساییەكانی ئەو عەریزەنووسینە بە 25 هەزار دینار كە لە كابینەی رابردوو دراوە بە كۆمپانیایەك، بەبێ كەمكردنەوەی ئاشكرا دەستی پێكردووە، بۆیە داواكارین ئەو هەوڵە سەر بگرێت و ئەو گرێبەستە هەڵبوەشێتەوە".












باسنيوز