ئەمڕۆ 2/9/2019 حەمەی حەمەسەعید، وەزیری رۆشنبیری و لاوان لە دیوانی وەزارەتى رۆشنبیرى پێشوازیکرد لە کوردە عومەر، بەڕێوبەری بەڕێوەبەرایەتی بەرەنگاربونەوەی توندوتیژی دژی ژنان و وەفدی یاوەری.

لە راگەیەندراوێکدا کە وەزارەتى رۆشنبیرى بڵاویکردوەتەوە ئاماژەبەوە دراوە لەو دیدارەدا باس لە توندوتیژی و جۆرەکانی توندوتیژی و هۆکارەکانی دروست بونی توندوتیژی کران.

ئەرکی هەمولایەکە کاربکەین بۆ کەمکردنەوە و بەرەنگاربونەوەی توندوتیژی ناو کۆمەڵگە بەگشتی و دژی ئافرەتان بەتایبەتی

لەکۆبونەوەکەدا کوردە عومەر، بەڕێوەبەری بەڕێوەبەرایەتی بەرەنگاربونەوەی توندوتیژی دژی ژنان داوای کردوە، وەزارەتی رۆشنبیری هاوکار و پاڵپشتیانبێت لە کارکردنی زیاتر بۆ کەمکردنەوەی توندوتیژی.

حەمەی حەمەسەعید، وەزیری رۆشنبیری و لاوان رایگەیاند "ئەرکی هەمولایەکە کاربکەین بۆ کەمکردنەوە و بەرەنگاربونەوەی توندوتیژی ناو کۆمەڵگە بەگشتی و دژی ئافرەتان بەتایبەتی".

پێویستە هەوڵبدەین تاکێکی تەندروست بۆکۆمەڵگەیەکی تەندروست بەرهەمبهێنین

وەزیرى رۆشنبیرى وتیشى" پێویستە هەوڵبدەین تاکێکی تەندروست بۆکۆمەڵگەیەکی تەندروست بەرهەمبهێنین، ئەرکی حکومەتە بەهەمو لایەنەکانیەوە و بەهاوکاری رێکخراوەکانی کۆمەڵگەی مەدەنی کاربکات بۆ نەهێشتنی توندوتیژی بەمیکانیزمی گونجاو".