قائیمقامیەتى قەزاى ناوەندى هەولێر رایگەیاند،"زیاتر لە 100 نێرگەلە لەڕێگای بەشی پۆلیسی شارەوانی دەستی بەسەرداگیراوە".

بڕیاریدا بەدەستپێکردنی هەڵمەتێک بۆ نەهێشتنی دیاردەی کێشان و بەکرێدانی نێرگەلە لەپارک و باخچەکان

لەراگەیەندراوێکدا کە ئەمشەو بڵاویکردوەتەوە، قائیمقامیەتى قەزاى ناوەندى هەولێر رایگەیاند"لەسەر داوای بەڕێوەبەرایەتی ئەندازە و پارکەکانی هەولێر، قائیمقامی قەزای ناوەندیی هەولێر بڕیاریدا بەدەستپێکردنی هەڵمەتێک بۆ نەهێشتنی دیاردەی کێشان و بەکرێدانی نێرگەلە لەپارک و باخچەکان".

دیاردەی کێشان و بەکرێدانی نێرگەلە لەپارک و باخچەکان، بوەتەهۆی بێزارکردن و ناڕەزایی ئەو هاوڵاتیانەی سەردانی باخچە و پارکەکانیان دەکرد

دەربارەى هۆکارى دەستپێکردنى ئەو هەڵمەتە قائیمقامیەتى هەولێر دەڵێت،"دیاردەی کێشان و بەکرێدانی نێرگەلە لەپارک و باخچەکان، بوەتەهۆی بێزارکردن و ناڕەزایی ئەو هاوڵاتیانەی سەردانی باخچە و پارکەکانیان دەکرد بۆ وەرزش و پشودان.

ئاماژە بەوەشكراوە"ئەو دیاردەیە تا ڕادەیەکی باش بنبڕکراوە هەڵمەتەکەش بەردەوام دەبێت، ئەمڕۆش وەك دەستپێكی هەڵمەتەكە زیاتر لە 100 نێرگەلە لەڕێگای بەشی پۆلیسی شارەوانی دەستی بەسەرداگیراوە و لەزبڵخانەی کانی قڕژاڵە لەناوبردران".