رێڤه‌به‌رێ گشتى یێ ساخله‌میا پارێزگه‌ها دهۆكێ دیاركر، کو ل دهۆكێ شه‌ش حاله‌تێن نه‌خۆشیا ئایدزێ هه‌نه‌ هیچ حاله‌ته‌كێ نه‌خۆشیا كولیرا و تایا خوین به‌ربوونێ نه‌هاتینه‌ توماركرن.



د. نزار عیسمه‌ت ته‌یب، رێڤه‌به‌رێ گشتى یێ ساخله‌میا پارێزگه‌ها دهۆكێ، ئه‌ڤرۆ17/7/2018 دپریس كونفرانسه‌كێدا دیاركر: "لدهۆكێ چوو حاله‌تیێن نه‌خۆشیا تایا خوین به‌ربوونێ ونه‌خۆشیا كولێرایێ نه‌هاتینه‌ تۆماركرن بتنى حاله‌ته‌كێ گومانه‌وى هه‌بوو مه‌ هزردكر تایا خوین به‌ربوونێ یه‌ لێ پشتى پشكنین ده‌رچووین خوشبختانه‌ ئه‌وژى نه‌ده‌ركه‌ڤت تایا خوین به‌ربوونێ و د وه‌رزى هاڤینى دا نه‌خۆشیا كولیرا په‌ێدا دبیت هه‌ر سال ئه‌م به‌رهه‌ڤیان دكه‌ن نه‌هێلن به‌لاڤ بیت هه‌ر نوكه‌ مه‌ ده‌ست هه‌ماهه‌نگیى دگه‌ل دام وده‌زگه‌هیێن په‌ێوه‌ندار ل پارێزگه‌ها دهۆكێ كریه‌ رێگریێ ل نه‌خۆشیا كولیرا بهێته‌ گرتن وه‌كو سالێن بۆرى چوو حاله‌ت ئه‌ڤ سالا ژى روونه‌ده‌ن".



خۆیا ژى كر: "لیژنه‌كا هه‌ڤپێشك هاتیه‌ دروستكرن وبه‌رده‌وام كار بۆ ره‌وشه‌نبیریا خه‌لكى دهێته‌ كرن چاڤدیریا ساخله‌میى به‌رده‌وام چاڤدیریا خارنگه‌ها دكه‌ت وچه‌ندین رێنما لسه‌ر وان هاتینه‌ به‌لاڤكرن هه‌كه‌ كه‌سه‌كى پێگیرنه‌بیت دهێته‌ سزادان".
bas news-