هێرشی فڕۆکەی بێفڕۆکەوان بۆ سەر کەشتییەکی نەوتهەڵگر لەکاتی دەرچوونی لە گەرووی هورمز
ناوەندی ئۆپەراسیۆنی بازرگانی دەریایی بەریتانیا ڕایگەیاند، کەشتییەکی نەوتهەڵگر لەکاتی جێهێشتنی گەرووی هورمز بەهۆی هێرشێکی فڕۆکەی بێفڕۆکەوانەوە کراوەتە ئامانج و زیانێکی کەمی بە کەشتییەکە گەیاندووە.
بەگوێرەی ڕاگەیەندراوی سەنتەرەکە، کە ڕۆژی هەینی 13ی ئاب بڵاوکراوەتەوە، سەرجەم کارمەندانی تانکەرەکە سەلامەتن و هیچ ڕاپۆرتێک لەبارەی پیسبوون و زیانگەیاندن بە ژینگە لەدوای ڕووداوەکەوە نییە.
ناوەندەکە لە ڕاپۆرتەکەیدا ناوی تانکەرەکە و هێرشبەرەکەی نەهێناوەتەوە. هەروەها سەنتەرەکە داوای لە کەشتییە تێپەڕبووەکان کردووە کە وریایی زیاتر بەکاربهێنن و هەر چالاکیەکی گوماناویش ڕاپۆرت بکەن.
گوڵان: سەردار خەلیل
