كاندیدێكی پارتی دیموكراتی كوردستان لە شنگال ڕایگەیاند، بڕیارە ئەمڕۆ چارەنووسی ٢٢٧ سندووقی ئاوارەكانی شنگال یەكلا ببێتەوە.

وەیس نایف، بە ماڵپەڕی فەرمیی پارتی دیموكراتی كوردستانی ڕاگەیاند: "بڕیارە ئەمڕۆ ٢٢٧ سندووقی ئاوارەكان بە دەست هەژمار بكرێن، كەچی كۆمسیۆن جارێكی دیكە دەیانەوێت ئەم سندووقانەی ئاوارەكان نەژمێردرێن، كە ئەوەیش بەئەنقەستە و بەیانیی ئەمڕۆ چەندین كێشەیان بۆ دروست كردوون، بەڵام هەموویان بێبنەمان".

نایف گوتیشی: "بێگومان ئەم سندووقانە دەنگی زۆریان تێدایە و گۆڕانكاری لە كورسییەكان و دەنگەكان ڕوو دەدات و چاوی پارتییش لەسەر ئەم سندووقانەیە، چونكە دەنگی ئەم سندووقانە، زۆربەی بۆ پارتیمانە".

پارتی دیموكراتی كوردستان، لە پارێزگای مووسڵ تانەی لە ئەنجامەكانی هەڵبژاردن دابوو و ژمارەیەكی زۆری سندووقەكانیش هەژمار نەكرابوون، ئەمەیش كاردانەوەیەكی مەزنی بە دوای خویدا هێنا لە لایەن كوردانی ئێزدییەوە و پارتییش لەسەر ئەمە هاتە دەنگ و بە ئەنفالكردنی دەنگەكانی ئێزدییان وەسفی كرد، رشیگەیاند كە ئەمە پیلانێك بوو لە دژی پارتی بۆ ئەوەی نەبێتە یەكەمی پارێزگایی مووسڵ".

ئەمڕۆ تیمی دادوەران گەییشتنە پارێزگای دهۆك، كە لە كۆلێژی كشتوكاڵ ئامادەن و دوایین بڕیار لە چارەنووسی ئەم سندووقانە دەدەن.


kdp-