رێڤەبەریا ھاتن و چوونا پارێزگەھا دھۆکێ ئاگەھداریەک بۆ وان شوفێران یێن ھاتن و چوونێ ل جادەیا نەھدارا ئەنجام ددەن ئەوا دناڤبەرا دھۆک و شێخان دا و رێیا دھۆک بۆ ھەولێر دا دکەن.

موقەدم ئازاد تاھا، پەیڤدارێ رێڤەبەریا ھاتن و چوونا پارێزگەھا دھۆکێ د پەیجێ خوە یێ تۆرا کۆمەلایەتیا فێسبووکدا ئاگەھداریەک بەلاڤکر و تێدا ھاتیە: (جادەیا نەھدارا ل قەزا شێخان کو ھاتن و چوونا شۆفێران دناڤبەرا دھۆک و ھەولێر دا پێکڤە گرێددەت ل ژێر نووژەنکرنێ دایە ل زالگەھا ناحیا باعەدرێ ھەتا کو سێ ریانا نەھدارا و داخوازێ ژ شوفێران دکەین کو لەزاتیا خوە ب شێوەیەکێ مەزن کێم بکەن دا کو روودانێن ترافیکی نەھێنە تومارکرن و گیان ب سلامەت بن).

زێدەتر دبێژیت: دیسان ئەو تیما ل جادەیا ناڤبری کار دکەت پێدڤیە ئەم ھەموو د گەل دا ھاریکار بین دا کو بشێن ب شێوەیەکێ باش کار بکەن و ئاستەنگ بۆ پەیدا نەبن.









باسنيوز