ل سه‌ر خابوورێ زاخۆ گه‌نجه‌كێ 25 سالى ب روودانه‌كا خه‌ندقینێ گیانێ خوه‌ ژ ده‌ست دا و ئێك ژى د ژیێ 12 سالیێ دا ژ خه‌ندقینێ دهێته‌ قورتالكرن.



رائید بێوار عه‌بدولعه‌زیز، په‌یڤدارێ رێڤه‌به‌ریا به‌ره‌ڤانیا باژێرى ل پارێزگه‌ها دهۆكێ، دیار كر: "ئه‌ڤرۆ رۆژا ئێكشه‌مبى ل ده‌مژمێر(٧)ی ئێڤاری په‌یوه‌ندی ب تیمێن نقومه‌ڤانێن سه‌ر برێڤه‌به‌ریا به‌ره‌ڤانیا باژێری ل پشكا زاخۆ هاته‌كرن ب هه‌بوونا روودانه‌كا خه‌ندقینێ كو 2 كه‌س كه‌تینه‌ د ئاڤێ دا ل نیزیك پرا ده‌لال، ئێك ب ناڤێ (ی.خ.س) د ژیێ 25 سالیێ دا كو خه‌لكێ زاخۆیه‌ گیانێ خوه‌ ژده‌ست دایه‌ و خه‌ندقیه‌".



ئاشكراژى كر كو سنێله‌ك ب ناڤێ ( ح.ف ) د ژیێ 12 سالیێ دا كو خه‌لكێ زوماره‌ ژلایێ تیمێن نقۆمڤانێن زاخۆڤه‌ هاته‌ قورتالكرن ژ خه‌ندقینێ.
bas news-