ل دهۆكێ 21 هزار كهس چاڤهرێ دابهشكرنا پارچهیێن ئهردى دكهن
ههڤال ئهحمهد ، رێڤهبهرێ گشتیى باژێرڤانیێن پارێزگهها دهۆكێ دیاركر: "هندهك ئهگهر ههنه ئهرد ناهێته سهر ناڤێ باژێرڤانیى وهكو هندهك جاران بۆ نموونه وهزارهتا چاندنى زوو ب زوو رازى نابیت دهستان ژ ئهردى چاندنێ بهردهت چونكو پتریا ئهردێن باژێرڤانیى داخاز دكهت ئهو ئهردن یێن بكیر چاندنێ دهێن وگهلهك جاران ژى خۆدانیێن مولكى ئهگهرن وان دڤیت ئهردى وان ههر دهستى واندا بیت بۆ كارێن چاندنێ بكاربینن ئهم ژى زۆردارى ل وان ناكهین ههردهمێ ئهم بووینه خۆدانیێن ئهردى ئهم دێ هێدى هێدى داینه وان كهسان یێن بهرى نوكه رازیبوون ههى".
ئاشكرا كر، كو دووڤ قانوونێ خۆدانیێن ئهردى دهێنه قهرهبووكرن بۆ نموونه ههكه مولك وێ بخوه بیت 20% ئهرد بۆ وێ دهێته دان بۆ ههر دونهمهكێ ههكه كهسهكێ مافێ تیچوونێ ( حق تصرف) ئهردى دا ههبیت رێژا 12% ئهردى بۆ وێ هێته دان ههكه ئهردى چاكسازیا چاندنێ بیت 3% قهرهبوو كرن بۆ خۆدانێ دهێته دان بهرامبهر ههر دونهمهكا ئهردێ.
ئهوژى دیاركركو بابهتێ بهلاڤكرنا پارچهیێن ئهردى یێ ڤهمایى 21 كهس چاڤهرى دابهشكرنا ئهردى دكهن ههكه ئهرد ههبیت دێ دووڤ خوجهیى وان كهسان هێته بهلاڤكرن بۆ نموونه یێ زاخۆ دێ وێ قهزایى وهرگریت یێ سیمێلى دێ سیمێلى بیت یێ ئامیدى ل وێ دهڤهرى ل ئاكرى دێ وێ قهزایى وهرگریت ههتا نوكه ل سهرانسهرێ قهزا وناحیێن دهۆكێ چوو ئهردى وهسا یێ بهرههڤ نێنه دهستێ باژێرڤانیى دا بۆ بهلاڤكرنێ بس ئهم بهرههڤیان دكهین ئهردى بداینه زێندانیێن سیاسى وشههێدان هیشتا ئهردى نههاتیه بهرههڤكرن بتنێ ئهم یێ حازریان دكهین ئهوژى ههكه ئهردى ههبیت دێ دووڤ خوجیهێ خوه وهرگرن.
باسنيوز
